Breaking News :

Mohammed Adamu After 35 years in service what is President Buhari Waiting For to appoint New IGP

Mohammed Adamu wit Muhammadu Buhari

As Nigeria top police officer Mohammed Adamu, suppose retire dis February after im complete di maximum 35 years of service, di kweshion of who go replace am don dey di mouth of kontri pipo.

Di Inspector General of Police join di service 35 years ago for 1986, although na just 2019 – over one year ago – im rise to di top rank of police.

Adamu, wey hail from Nasarawa state, northern Nigeria take over di IGP position from Ibrahim Idris wey come from Niger State, north-central Nigeria. Dis fit be why many kontri pipo wan sabi not just who di next IGP go be but wia e go come from.

Earlier on Monday, President Muhammadu tok-tok pesin Garba Shehu follow local tori pipo Channels TV tok say di federal goment no go look wia pesin come from to decide di next police boss.

But inside kontri wey get at least 250 ethnic groups, some dey call for president Muhammadu Buhari to practice federalism and appoint people from different-different parts of di kontri.

Supporters of Buhari say di president already dey practice am.

For di last week of February 2021.

Wia di past Nigeria IGPs don hail from?

One way to address dis mata na to torchlight di tenure of di former IGPs and wia dem bin hail from for – in order to sabi which geo-political zone never represent well.

  • Louis Edet – Calabar, South-South
  • Kam Salem – Borno, North-East
  • Muhammadu Dikko Yusufu – Katsina, North-West
  • Adamu Suleiman – Yola, North-East
  • Sunday Adewusi – Oyo, South-West
  • Etim Inyang – Akwa-Ibom, South-South
  • Muhammadu Gambo-Jimeta – Yola, North-East
  • Aliyu Atta – Kogi, North-Central
  • Ibrahim Coomassie – Katsina, North-East
  • Musiliu Smith – Lagos, South-West
  • Mustafa Adebayo Balogun – Osun, South-West
  • Sunday Ehindero – Ondo, South-West
  • Mike Mbama Okiro – Imo, South-East
  • Ogbonna Okechukwu Onovo – Enugu, South-East
  • Hafiz Ringim – Jigawa, North-West
  • Mohammed Dikko Abubarkar – Sokoto, North-West
  • Suleiman Abba – Jigawa, North-West
  • Solomon E. Arase- Edo, South-South
  • Ibraim Kpotun Idris – Niger, North-Central
  • Mohammed Abubakar Adamu – Nasarawa, North-Central

Out of di 20 IGP wey don serve for Nigeria, half – or 10 – so far don come from di Hausa speaking region of northern Nigeria.

One tin to note about dis mata na say wia pesin come from no dey determine how well dem go work for office, na so Civil rights activist Aisha Yesufu bin tell BBC Pidgin.

In her opinion, make president Buhari “pick pesin wey im feel say go do di work well.”

Prince Chukwudi Timothy Samuel

Prince Chukwudi Timothy Samuel is the Chairman / CEO, MicMiraSteph Communications and Chief Media Director, Apex Reporters

Read Previous


Read Next

Breaking: It is 21 years imprisonment for cultists as Lagos Assembly passes bill into law.

Leave a Reply

Your email address will not be published. Required fields are marked *

Most Popular

Show Buttons
Hide Buttons